“O‘zekspomarkaz” MKK AJ
Boshqaruv raisining
30.04.2026 yildagi
43-ICh-sonli buyrug‘iga
2-ilova

         Akvabog’iga tashrif buyurish qoidalari 1. UMUMIY QOIDALAR

1.1. “O‘zekspomarkaz” Milliy ko‘rgazma kompaniyasi AJ ga qarashli, Toshkent shahri, Yunusobod tumani, Amir Temur ko‘chasi 107-uyda joylashgan “Akvabog‘i” suv attraksionlari bog’i ko‘p funksiyali dam olish maskani hisoblanadi. Ushbu maskandan foydalanish jismoniy harakat va faollikni talab qiladi. Tashrif buyuruvchi Akvabog‘iga kirishdan oldin o‘zining jismoniy imkoniyatlari hamda suzish (suvda o‘zini tutish) ko‘nikmalarini baholashi lozim. Suv attraksionlari ilmiy asosda ishlab chiqilgan bo‘lib, ularning to‘g‘ri foydalanilishi inson hayoti va sog‘lig‘iga xavf tug‘dirmaydi.

1.2. Mazkur Qoidalar Akvabog‘iga tashrif buyurish tartibini belgilaydi va barcha tashrif buyuruvchilar uchun majburiy hisoblanadi. Qoidalar qo‘pol buzilgan yoki jamoat xavfsizligiga tahdid yuzaga kelgan hollarda, ma’muriyat kirishni va xizmat ko‘rsatishni rad etish huquqiga ega.

1.3. Akvabog‘i ma’muriyati ushbu Qoidalarga o‘zgartirishlar kiritish huquqiga ega. Amaldagi tahrirlar rasmiy axborot stendlari va “O‘zekspomarkaz” MKK AJ veb-saytida joylashtiriladi.

1.4. Akvabog‘iga tashrif buyurish qoidalari bo‘yicha savollar yuzaga kelganda, to‘liq ma’lumotni kassirlar yoki administratorlardan olish mumkin.

1.5. Akvabog‘i ish vaqti, qo‘shimcha xizmatlar ro‘yxati va narxlar kirish qismida joylashtirilgan bo‘lib, ma’muriyat tomonidan o‘zgartirilishi mumkin.

1.6. Tashrif buyuruvchilar va xodimlar o‘zaro hurmatda bo‘lishlari, Akvabog‘ining texnik vositalari, jihozlari, inshootlari va kommunikatsiya tizimlariga ehtiyotkorona munosabatda bo‘lishlari shart.

2. TASHRIF BUYURISH TARTIBI, VAQTNI HISOBGA OLISH VA KECHIKKAN VAQT UCHUN QO‘SHIMCHA TO‘LOV

2.1. Tashrif buyuruvchi turniketdan o‘tish uchun chipta kodini kiritadi, so‘ngra chipta kodini kiritish orqali avtomatik ravishda bekor qilingan chipta bilan birga kalitli qulf va shkaf raqami yozilgan yorliqni olish uchun uni taqdim etadi.

Chipta akvabog’da 3 soat davomida bo‘lish hamda barcha suv attraksionlaridan foydalanish huquqini beradi. Sotib olingan chipta qaytarib olinmaydi.

2.2. Vaqt hisobi tashrif buyuruvchi turniketdan o‘tgan paytdan boshlab avtomatik ravishda boshlanadi. Chipta garov bilan birga qimmatli buyumlar uchun mo‘ljallangan qutida saqlanadi.

2.3. Tashrif buyuruvchi kalitli qulf va yorliq yo‘qolgan taqdirda to‘lov kafolati sifatida beriladigan garovni topshirishi shart. Garov miqdori maqbul darajada belgilanadi, yo‘qotilgan holatda esa faqat tiklash xarajatlari undiriladi.

2.4. Garovsiz tashrif buyuruvchilarning akvabog’iga kirishiga ruxsat etilmaydi.

2.5. Akvabog’i xodimi chipta va garovni qimmatli buyumlar qutisiga joylashtiradi hamda tashrif buyuruvchiga kalitli qulf va shkaf raqami yozilgan yorliqni beradi.

2.6. Tashrif buyuruvchi kiyinish xonasida yorliq raqamiga mos shkafni topadi, suzish kiyimini kiyadi va rezina oyoq kiyim (slanets, shippak, plyaj oyoq kiyimi va boshqalar) kiyadi, so‘ng shkafni qulf bilan yopadi. Akvapark hududiga faqat suzish kiyimida kirishga ruxsat etiladi.

Suvli-ko‘ngilochar zonaga kirishdan oldin va undan keyin tashrif buyuruvchi dush qabul qilishi shart.

Shkaflarda pul, qimmatbaho buyumlar, video, audio, foto apparatura va hujjatlarni saqlash taqiqlanadi. Akvabog’i ma’muriyati ushbu buyumlar yo‘qolishi uchun javobgar emas.

2.7. Tashrif buyuruvchi har doim yorliq va kalitni o‘zida saqlashi shart, ularni boshqa shaxslarga berish taqiqlanadi.

2.8. 3 soat tugagach, tashrif buyuruvchi yorliq va kalitli qulfni taqdim etadi va garovni qaytarib oladi.

2.9. Agar tashrif buyuruvchi belgilangan vaqtni oshirib yuborsa, u har bir to‘liq yoki to‘liq bo‘lmagan kechiktirilgan soat uchun jarima to‘laydi (kattalar yoki bolalar chiptasi bo‘lishidan qat’i nazar).

2.10. Ortiqcha vaqt uchun qo‘shimcha to‘lov kvitansiyasi akvapark kassasida rasmiylashtiriladi.

2.11. Yorliq, kalit yoki qulf yo‘qolgan taqdirda tashrif buyuruvchi darhol ma’muriyatga xabar beradi va zarar qoplanmaguncha garov qaytarilmaydi.

3. QUYIDAGI SHAXSLAR UCHUN SUV ATTRAKSIONLARIDAN FOYDALANISH CHEKLANADI

3.1. Homilador ayollar.

3.2. Ortiqcha vazni yuqori bo‘lgan, operatsiya o‘tkazgan yoki yurak, umurtqa va boshqa kasalliklarga ega shaxslar.

3.4. 7 yoshgacha bo‘lgan bolalar ota-onasi hamrohligida faqat bolalar hovuzi uchun mo‘ljallangan attraksionlardan foydalanishlari mumkin.

3.5. 12 yoshgacha bo‘lgan bolalar faqat ota-onasi hamrohligida kiritiladi.

4. TASHRIF BUYURUVCHILARNING HUQUQLARI

4.1. Mazkur Qoidalar doirasida akvabog’ning barcha mavjud xizmatlari, hovuzlari va suv attraksionlaridan (3-bandda ko‘rsatilgan shaxslar bundan mustasno) foydalanish.

4.2. Dastlabki tibbiy yordam olish.

4.3. Ko‘ngilochar hududda joylashgan kreslo va shezlonglardan bepul foydalanish.

4.4. Akvabog’ xizmatlaridan foydalanish bo‘yicha noaniqliklar yuzaga kelganda, zarur ma’lumotlarni olish uchun mas’ul xodimlarga murojaat qilish.

4.5. O‘z xohishiga ko‘ra tashrifni muddatidan oldin yakunlash va akvabog’ni tark etish. To‘langan vaqt to‘liq foydalanilmagan taqdirda pul mablag‘lari qaytarilmaydi.

4.6. Qo‘shimcha to‘lov evaziga restoran, savdo nuqtalari va boshqa xizmatlardan foydalanish.

5. TASHRIF BUYURUVCHILARNING MAJBURIYATLARI

5.1. Dam oluvchilarning sog‘lig‘ini saqlash va tartibni ta’minlashga qaratilgan mazkur Qoidalarga, sanitariya me’yorlari talablariga, hovuzlar va suv attraksionlaridan foydalanish qoidalariga rioya qilish hamda instruktor ko‘rsatmalariga amal qilish. Akvabog’i mulkiga ehtiyotkorona munosabatda bo‘lish. Boshqa tashrif buyuruvchilar va xizmat ko‘rsatuvchi xodimlarga hurmat bilan munosabatda bo‘lish.

5.2. Chipta faqat akvabog’i kassasidan sotib olinadi. Chipta xarid qilinishi Qoidalar bilan tanishilganini va ularga rozilik bildirilganini anglatadi.

5.3. Zarurat bo‘lganda, qo‘riqlash xodimlari talabiga binoan shaxsiy buyumlarni axloqiy me’yorlarga muvofiq vizual ko‘rik uchun taqdim etish.

5.4. Favqulodda holatlar, unutilgan buyumlar yoki xavfsizlikka oid boshqa tahdidlar yuzaga kelganda darhol akvabog’i xodimlariga xabar berish.

5.5. Voyaga yetmagan tashrif buyuruvchilar doimiy ravishda kattalar nazoratida bo‘lishi shart.

6. TASHRIF BUYURUVCHILARGA TAQIQLANADI

6.1. Kirish chiptasini to‘lamasdan nazorat punktlaridan o‘tish, shuningdek yopiq nazorat punktlari va to‘siqlardan o‘tish. Alkogol, giyohvandlik yoki toksik mastlik holatida bo‘lish.

6.2. Iflos kiyim yoki oyoq kiyimda, sanchuvchi, kesuvchi yoki shisha buyumlar bilan kirish; alkogol, giyohvandlik yoki boshqa mastlik holatida bo‘lish; ochiq jarohatlari, yuqumli yoki teri kasalliklari bo‘lgan shaxslarning kirishi; shuningdek tibbiy bog‘lamlar, yopishtirilgan leyko-plastir bilan kelish yoki diqqat va reaksiya tezligini pasaytiruvchi dori vositalari ta’siri ostida bo‘lish.

6.3. Alkogolli ichimliklar, giyohvand moddalar, pirotexnika vositalari, qurol va gaz ballonchalarini olib kirish yoki iste’mol qilish. Oziq-ovqat mahsulotlarini olib kirish.

6.4. Yong‘in xavfli, portlovchi, zaharlovchi va zaharli moddalar, o‘qotar va gaz qurollari, bosim ostidagi idishlar hamda tez sinuvchi buyumlarni olib kirish.

6.5. Hududga uy va yovvoyi hayvonlar bilan kirish.

6.6. Akvabog’i hududining barcha joylarida chekish, shu jumladan elektron sigaretalar va boshqa muqobil chekish vositalaridan foydalanish (faqat maxsus ajratilgan joylar bundan mustasno).

6.7. Jihozlar hamda bino va inshootlarning arxitektura-bezak qismlariga zarar yetkazish.

6.8. Ma’muriyat ruxsatisiz savdo, reklama va boshqa tijorat faoliyatini amalga oshirish.

6.9. Bolalarni qarovsiz qoldirish.

6.10. Park xodimlari va qo‘riqlash xizmatining vazifalarini bajarishiga to‘sqinlik qilish.

6.11. Akvabog’i hududiga har qanday oziq-ovqat mahsulotlarini (jumladan uyda tayyorlangan ovqatlarni), shuningdek suv va boshqa ichimliklarni plastik yoki shisha idishlarda (jumladan baklashka va butilkalarda) olib kirish (majmua hududida sotib olingan mahsulotlar bundan mustasno).

7. JAVOBGARLIK

7.1. Tashrif buyuruvchi aybi bilan akvapark mulkiga zarar yetkazilgan yoki u yo‘q qilingan taqdirda, u yetkazilgan zararni to‘liq hajmda qoplashga majbur. Qoplash summasi ta’mirlash yoki almashtirish qiymati asosida belgilanadi.

7.2. Mazkur Qoidalar buzilgan taqdirda, akvabog’i ma’muriyati tashrif buyuruvchidan hududni tark etishni talab qilish, unga tashrif buyurishni va xizmat ko‘rsatishni rad etish huquqiga ega. Qoidabuzarlarga tashrif uchun to‘langan mablag‘lar qaytarilmaydi.

7.3. Akvabog’i hududida bir vaqtning o‘zida bo‘lishi mumkin bo‘lgan tashrif buyuruvchilar soni cheklangan. Qulay sharoit yaratish va xavfsizlikni ta’minlash maqsadida maksimal sig‘imga erishilganda, ma’muriyat akvabog’iga tashrif uchun xizmatlar sotuvini vaqtincha to‘xtatish huquqiga ega.

7.4. Mazkur Qoidalar va instruktor ko‘rsatmalari buzilishi oqibatida yuzaga kelgan baxtsiz hodisalar uchun ma’muriyat javobgar emas.

7.5. Qarovsiz qoldirilgan shaxsiy buyumlar uchun ma’muriyat javobgar emas.

7.6. Zarurat tug‘ilganda, ma’muriyat akvabog’i faoliyatini muddatidan oldin yakunlash huquqiga ega.

8. QO‘SHIMCHA

8.1. Mazkur Qoidalar O‘zbekiston Respublikasi qonunchiligiga, jumladan “Iste’molchilar huquqlarini himoya qilish to‘g‘risida”gi Qonun, sanitariya va yong‘in xavfsizligi me’yorlariga muvofiq ishlab chiqilgan.

8.2. Jismoniy imkoniyati cheklangan tashrif buyuruvchilarga obyektning texnik imkoniyatlari doirasida xodimlar tomonidan yordam ko‘rsatilishi mumkin.

8.3. Ma’muriyat tashabbusi bilan akvabog‘i muddatidan oldin yopilgan taqdirda, kompensatsiya (tovon puli) berilishi yoki tashrif boshqa vaqtga ko‘chirilishi mumkin.

8.4. Akvabog‘i hududida tashrif buyuruvchilar xavfsizligini ta’minlash va huquqbuzarliklarning oldini olish maqsadida videokuzatuv olib boriladi. Erkaklar kiyim almashtirish xonasida videokuzatuv faqat umumiy hududda (kirish qismi) amalga oshiriladi va kiyim almashtirish jarayonida shaxsni aniqlash imkoniyati mavjud emas. Videokuzatuv tizimi dush hamda hojatxona kabinalarini qamrab olmaydi. Barcha videoyozuvlar O‘zbekiston Respublikasi qonunchiligiga qat’iy muvofiq ravishda qayta ishlanadi.

  

SUV ATTRAKSIONLARI VA HOVUZLARDAN FOYDALANISH QOIDALARI

“Bolalar hovuzi”, “Toboggan”, “Sokin yo‘l” va “Kamikadze”

Hovuzlar:
“To‘lqinli hovuz”, “Jakuzi”, “O‘smirlar hovuzi”, “Bolalar”

Suv attraksionlari tezlik bilan tushish uchun mo‘ljallangan.
Tashrif buyuruvchi o‘zining jismoniy imkoniyatlarini hamda farzandining sog‘lig‘i holatini mustaqil baholab, xavfsizlikni ta’minlash maqsadida o‘ziga mos suv attraksionini tanlashi lozim.

Tashrif buyuruvchi majbur:

• suzishdan oldin tashqi hojatxonadan foydalanish va dush qabul qilish;
• instruktor ko‘rsatmalariga amal qilish;
• tushishlar orasida kamida 30 soniya intervalga rioya qilish;
• basseyn va quyoshli dam olish hududlarida tozalikni saqlash.

Taqiqlanadi:

• 12 yoshgacha bo‘lgan bolalarning kattalar hamrohligisiz hovuzlar va sirpanish yo‘laklaridan foydalanishi;
• 7 yoshgacha bo‘lgan bolalarning “Toboggan”, “Sokin yo‘l” va “Kamikadze” yo‘laklaridan foydalanishi;
• 5 yoshgacha bo‘lgan bolalarning bolalar hovuzi va undagi sirpanish yo‘laklaridan kattalar nazoratisiz foydalanishi; shuningdek, 12 yoshdan katta bolalar va kattalarning bolalar hovuzidan foydalanishi;
• homilador ayollar, ortiqcha vaznli shaxslar, operatsiya o‘tkazganlar, yurak kasalligi, tayanch-harakat tizimi yoki boshqa muhim a’zolar kasalliklari mavjud bo‘lgan shaxslarning suv attraksionlaridan foydalanishi;
• alkogol yoki giyohvandlik ta’siri ostida bo‘lgan shaxslarning hovuzlar va sirpanish yo‘laklaridan foydalanishi;
• erkin tushish vaqtida harakatni sekinlashtirish, o‘rnidan turish, yo‘lak bo‘ylab yurish, bosh bilan oldinga yoki o‘tirgan holda tushish;
• o‘zi bilan begona buyumlar olib kirish;
• sirpanish yo‘laklaridan tushish hududida turish, “Sokin yo’l” va “Toboggan” qabul hovuzlarida suzish;
• hovuzlarga sho‘ng‘ish;
• hovuz atrofidagi quyoshli maydonlarda yugurish, jarohatga olib kelishi yoki boshqalarga zarar yetkazishi mumkin bo‘lgan o‘yinlarni tashkil etish;
• to‘siqlardan oshib o‘tish, to‘kish panjaralari ustiga chiqish yoki yurish;
• “To‘lqinli hovuz” ishlayotgan vaqtda nazorat chizig‘idan o‘tib ketish;
• sirpanish yo‘laklarida navbat va tartibni buzish;
• zinapoya va maydonchalarda kurashish, itarish, o‘zini yoki boshqalarni to‘siq panjaralaridan chiqarib yuborish.