"UzBuild 2025" ва "Woodtech & MebelExpo Uzbekistan 2025" халқаро қурилиш ва мебель саноати кўргазмалари

2025-йил 25-27 февраль кунлари 1, 2, 3, 4-павилонлар ва Атриум 2 залида "UzBuild 2025" ҳамда "Woodtech & MebelExpo Uzbekistan 2025" халқаро қурилиш ва мебель саноати кўргазмалари бўлиб ўтади.

"UzBuild" кўргазмаси интерьер учун маҳсулот ва хизматларнинг тўлиқ спектрини намойиш этади: дарозалар ва эшиклар, декоратив ёритиш, поллар, декоратив панеллар, обоилар, карниз ва жалюзилар, ландшафт дизайни ва бошқалар.

"MebelExpo & Woodtech Uzbekistan 2025" кўргазмасида юқори технологик дастгоҳ ва ускуналар, ёғочни қайта ишлаш асбоблари, мебель компонентлари: мебель фурнитураси, аксессуарлар, мебель тўлдирувчилари, плитка материаллари, ламинация учун декоратив қоғоз, стол устлари учун сунъий тош, мебель кимёси маҳсулотлари ва ёғочни қайта ишлаш қопламалари: мебель ёлимлари, лаклар, бўёқлар, грунтовкалар намойиш этилади. Шунингдек, уй қулайлиги ва шинамлиги учун тайёр мебель маҳсулотлари, шунингдек, ишлаб чиқарувчилардан функционал, қулай ва амалий офис мебеллари тақдим этилади.

"UzBuild" ва "MebelExpo & Woodtech Uzbekistan 2025" кўргазмаларида дунёнинг 22 мамлакатида 500 дан ортиқ компания ва бренд иштирок этиши кутилмоқда.