Ўзбекистондаги HVAC саноатининг энг муҳим ҳодисаси –Aquatherm ® Tashkent 2022 кўргазмаси ўз ишини бошлади. 28-30-сентябр кунлари “Ўзэкспомарказ” МКК”нинг № 3, 4 павильонларида бўлиб ўтади.
«Иситиш, вентиляция, ҳавони кондиционерлаш, сув таъминоти, сантехника, бассейнлар, атроф-муҳитни муҳофаза қилиш технологиялари, муқобил энергия манбалари– Aquatherm ® Tashkent 2022» халқаро кўргазмаси бу йил ўзининг биринчи тантанали санаси – 10-йиллик юбилейини нишонламокда.
Aquatherm® — бу Reed Messe Wien GmbH компаниясига тегишли жаҳонга машҳур бренд бўлиб, унинг остида дунёнинг кўплаб мамлакатларида шунга ўхшаш кўргазма ўтказилади. Ўзбекистонда у биринчи марта UzBuild халқаро қурилиш кўргазмаси доирасида фойдаланилган ва Iteca Exhibitions кўргазма компанияси ушбу бренддан фойдаланиш ҳуқуқига эга бўлган ягона юридик шахс ҳисобланади.
Aquatherm ® Tashkent 2022 кўргазмасида 12 мамлакатдан 110 та компания иштирок этади: Озарбайжон, Германия, Эрон, Италия, Қозоғистон, Хитой, Польша, Корея Республикаси, Россия, Туркия, Ўзбекистон, Швеция ва бу кўрсатгич 2021 йилга нисбатан 50 фоизга кўпдир. Кўргазма иштирокчиларининг бундай ўсиши кўргазмага бўлган қизиқишнинг ортиб бораётганидан далолат беради.
