23–25 сентябрь кунлари  «Ўзэкспомарказ» МКК АЖда йирик халқаро автомобил ва автосаноат кўргазмаси «Automotive Industry Tashkent 2024» бўлиб ўтади.

Кўргазмада 150 дан ортиқ компания иштирок этади, асосий иштирокчилар қаторида Castrol, Vikron, Bizon, Click, ADM, Carville, Autozipe ва бошқалар бор. Кўргазманинг асосий мақсади маҳаллий брендларга янги истиқболлар, B2B ва B2C алоқаларни амалга ошириш ҳамда автомобил саноатидаги ривожланиш тенденциялари билан танишиш учун уникал майдонча тақдим этишдан иборат.

Кўргазма давомида 60 дан ортиқ турли автомобиллар намойиши ва жойида сотиб олиш имконияти тақдим этилади. Бундан ташқари, ташриф буюрувчилар автомобил ютуқ ўйинида иштирок этишлари ва шоу дастурларини томоша қилишлари мумкин.