2025 йил 11-13 март кунлари «Ўзэкспомарказ» МКК АЖнинг 1 ва 2-павильонлари ҳамда очиқ майдонларида «Қишлоқ хўжалиги – AgroWorld Uzbekistan 2025» 20-йиллик юбилей халқаро кўргазмаси бўлиб ўтади.

“AgroWorld Uzbekistan” қишлоқ хўжалиги соҳасидаги инновациялар ва замонавий тенденцияларни намойиш қилиш, уларни ишлаб чиқаришга жорий этиш, маҳаллий бизнес ва экспортни ривожлантириш учун муҳим кўргазма тадбиридир.

Кўргазма доирасида бутун ишлаб чиқариш занжири бўйича ускуналар ва технологиялар намойиш этилади – қишлоқ хўжалик экинларини етиштириш, чорвачилик ва паррандачиликдан тортиб ҳосил йиғиш, сўйиш, қайта ишлаш ва сақлашгача бўлган жараёнлар.

Жорий йил кўргазмада 23 та мамлакатдан 130 дан ортиқ компания иштирок этмоқда, жумладан: Беларусь, Бельгия, Венгрия, Германия, Дания, Ҳиндистон, Испания, Италия, Қозоғистон, Хитой, Корея Республикаси, Литва, Нидерландия, Польша, Россия, Руминия, Туркия, Ўзбекистон, Украина, Франция, Хорватия, Швейцария ва Япония.

Анъанага кўра, кўргазманинг иккинчи куни – 12 мартда "Фермерлар куни" ташкил этилади. Унда кўргазма иштирокчилари фермер ва деҳқон хўжаликлари раҳбарлари ва етакчи мутахассислари билан учрашадилар.

Ташкилотчилар: Тадбир халқаро кўргазма компанияси Iteca Exhibitions ва унинг ҳамкори ICA Eurasia Group томонидан ташкил этилган.