Xalqaro ko'rgazmalar «Uzbekistan AgrotechExpo–2024», «Uzbekistan AgromashExpo–2024» va «Uzbekistan AgroExpo–2024»

 “O`zekspomarkaz” MKK AJ va Germaniyaning “IFWexpo Heidelberg GmbH” kompaniyasi  2024-yil 27-29-noyabr kunlari «Uzbekistan AgrotechExpo–2024», «Uzbekistan AgromashExpo–2024» va «AgroExpo Uzbekistan 2024» Xalqaro qishloq xo'jaligi ko'rgazmalarini №№1- va 2-pavilonlar hamda ko'rgazma majmuasining ochiq maydonlarida tashkil etadi.

Ko'rgazmalar mamlakatning agrosanoat kompleksi uchun zamonaviy uskunalar va texnologiyalarni, qishloq xo'jaligi texnikasi va mashinalarini, shuningdek, bog'dorchilik, issiqxona xo'jaligi, o'simlikshunoslik va chorvachilikka mo'ljallangan texnikalarni namoyish etadi.

Ko'rgazmalarda Avstriya, Xitoy, Germaniya, Hindiston, Eron, Italiya, Qozog'iston, Koreya, Latviya, Rossiya, Turkiya, BAA, Ukraina va O'zbekistondan 200 dan ortiq kompaniyalar ishtirok etadi. Germaniya va Eron kompaniyalari o'z milliy stendlari bilan ishtirok etib, qishloq xo'jaligi sohasidagi ilg'or texnologiyalarni taqdim etadi. Shuningdek, ko'rgazmalarda Birlashgan Millatlar Tashkilotining Taraqqiyot dasturi (UNDP) vakolatxonasi va Yevropa Ittifoqi delegatsiyasi vakillari ishtirok etadi.

 Ko'rgazma doirasida mavzuga doir seminarlar va taqdimotlar, shuningdek, B2B shaklida uchrashuvlar tashkil etiladi.