15-17 oktabr kunlari “O‘zekspomarkaz” MKMda 1 va 2-pavilonlarda “To‘qimachilik va moda sanoati – UzTextileExpo Autumn 2024” IX Xalqaro ko‘rgazmasi o‘z ekspozitsiyasini boshladi.
Joriy yilda ko‘rgazmada 70 dan ortiq mamlakatimiz korxonalari ishtirok etib, ip-kalava, gazlama, trikotaj, barcha yoshdagilar uchun kiyim-kechak, paypoq, trikotaj, maishiy to‘qimachilik va boshqa ko‘plab mahsulotlarni namoyish etadi. Tadbirga xorijlik xaridorlar alohida qiziqish bildirmoqda: hamkorlik aloqalarini o‘rnatish va 38 million kishilik bozorga ega O‘zbekistonning yirik yetkazib beruvchi sifatidagi imkoniyatlarini baholash uchun turli mamlakatlardan 200 dan ortiq kompaniyalar keladi.