12-14-октябр кунлари «Ўзэкспомарказ» МКК АЖда “Heimtextil Uzbekistan 2026, Texworld Tashkent 2026, Apparel Sourcing Tashkent 2026” халқаро кўргазмалари бўлиб ўтмоқда. Кўргазмаларда 6 та мамлакатдан 200 та компания ҳамда 15 дан ортиқ мамлакат вакили бўлган 5000 нафар халқаро харидорлар иштирок этади.

Кўргазмада турли хил матолар, тўқимачилик маҳсулотлари, ҳамда ишлаб чиқариш технологиялари тақдим этилади. Жорий йилда илк бор “Textile Machinery” алоҳида йўналиш сифатида тўқимачилик ва тикувчилик саноати учун мўлжалланган замонавий технологиялар намойиш этилади.  

Халқаро харидорлар дастури маҳаллий ишлаб чиқарувчиларга хорижий буюртмачилар билан учрашиш ва янги ҳамкорлар топиш имконини беради. Шунингдек, “Made in Uzbekistan” миллий павильонида маҳаллий ишлаб чиқарувчилар маҳсулотлари намойиш этилмоқда.

Тадбир Енгил саноатни ривожлантириш агентлиги кўмагида ташкил этилди.

Кўргазма ташкилотчиси — Марказий Осиёда Messe Frankfurt компаниясининг расмий вакили Business Media Central Asia (BMCA) компанияси.