2025-йил 14-октябрдан 16-октябргача “Ўзэкспомарказ” МКК” АЖда учта йирик кўргазма – “Heimtextil Uzbekistan”, “Texworld Tashkent”, “Apparel Sourcing Tashkent” ўз ишини бошлади. Ушбу тадбирда 30 та мамлакатдан 300 дан ортиқ компания иштирок этади. Улар орасида халқаро савдо тармоқларининг вакиллари ҳам мавжуд.

Кўргазмалар қуйидаги йўналишларни ўз ичига олади: Уй ва интерер учун тўқимачилик маҳсулотлари, мода соҳасига мўлжалланган мато ва ип-газлама, тайёр кийим-кечак ва аксессуарлар, тўқимачилик технологиялари ва инновациялар.

Тадбир доирасида махсус Б2Б дастури ташкил этилади. Унда Европа, АҚШ, Россия, МДҲ давлатлари ва Яқин Шарқдан келган харидорлар бевосита ишлаб чиқарувчилар билан учрашиб, экспорт шартномаларини имзолаш ва хомашё етказиб бериш имкониятини кенгайтириши кутилмоқда.

BМCА компаниясининг рахбари Дилфуза Самандарова ушбу тадбир Ўзбекистон тўқимачилик маҳсулотларини халқаро бозорларга олиб чиқишда муҳим рол ўйнашини таъкидлади.

Дастур доирасида замонавий технологиялар ва барқарор ривожланиш мавзуларида панел муҳокамалар ва тематик сессиялар ҳам ўтказилади. Тўқимачиликдаги инновациялар марказида бўлинг! Тадбирга кириш барча иштирокчилар учун бепул!