“Ўзэкспомарказ” МКК” АЖ

Бошқарув раисининг

04.03.2023-йилдаги 23/1-ИЧ-сон

Буйруғининг 2-иловаси

Сув аттрационлари боғи (Аквабоғи)га ташриф буюриш тартиби

“Ўзэкспомарказ” Миллий кўргазмалар компанияси” акциядорлик жамияти (кейинги ўринларда – “Ўзэкспомарказ” МКК” АЖ) тасарруфидаги “Аквабоғи” сув аттрационлари боғи (кейинги ўринларда – “Аквабоғи”) Тошкент шаҳар, Юнусобод тумани, Амир Темур кўчаси, 107-уй манзилида жойлашган.

“Аквабоғи” — кўп функцияли сув аттрационлари боғи бўлиб, у жисмоний фаоллик ва куч сарфланишини талаб этади. Сув аттракционлари белгиланган тартибда махсус техник кўриклардан ўтказилган бўлиб, улардан тўғри фойдаланилган ҳолатда инсон ҳаёти ва саломатлигига хавф туғдирмайди.

Аквабоғига ташриф буюрувчилар ташрифдан олдин ўзининг жисмоний ҳолати ва сузиш қобилиятини мустақил баҳолаши лозим.

Аквабоғидан фойдаланиш Қоидалари (кейинги ўринларда – Қоидалар) сизнинг хавфсиз ва мароқли дам олишингизни таъминлашга қаратилган бўлиб, барча ташриф буюрувчилар, уларнинг ёшидан қатъи назар, ушбу Қоидаларга риоя этишлари шарт.

Қоидалар қуйидаги жойларда эълон қилинган:

• “Аквабоғи”нинг кириш ҳудудида;
• Шахсий буюмларни сақлаш ва кийим алмаштириш хонасидаги ахборот стендларида;
• “Ўзэкспомарказ” МКК” АЖ расмий веб-сайтида.

 “Аквабоғи” кириш чиптасини сотиб олиш орқали ташриф буюрувчи ушбу Қоидалар билан танишганини ва уларга тўлиқ риоя этиш мажбуриятини олганини тасдиқлайди.

1. УМУМИЙ ҚОИДАЛАР

• Ушбу қоидалар Аквабоғига ташриф буюрувчиларга хизмат кўрсатиш тартиби, уларга қўйиладиган мажбурий хавфсизлик, гигиена ва бошқа талаблар, шунингдек, ташриф буюрувчиларнинг ҳуқуқлари, мажбуриятлари ва жавобгарлик чегараларини, чипталарни сотиш ва қўшимча хизмат кўрсатиш тартибини, Аквабоғига киришга рухсат этилмайдиган ҳолатларни, вояга етмаганлар ташрифи билан боғлиқ бўлган қоидаларни, ечиниш ва ювиниш хоналаридан фойдаланиш тартибини, чўмилиш кийимларидан фойдаланиш бўйича талаб ва тавсияларни, сув аттраксионлари ҳамда бассейнларда ўзини тутиш қоидаларини, шунингдек, Аквабоғининг овқатланиш ҳудудига ташриф буюриш тартиби ва шартларини белгилайди.

 

1.2. Аквабоғига ташриф буюрувчилар ва ходимлар ўзаро хушмуомала бўлишлари, шунингдек, Аквабоғининг техник воситалари, жиҳозлари, иншоотлари ва коммуникация тизимларига эҳтиёткорлик билан муносабатда бўлишлари лозим.

1.3. Аквабоғига ташриф буюриш қоидалари бўйича саволлар юзага келганда, батафсил    маълумотни касса ходимларидан ёки маъмурлардан олиш мумкин.

2. ТАШРИФ БУЮРУВЧИЛАРГА БЕРИЛГАН ҲУҚУҚЛАР:

2.1. Кириш чиптасини сотиб олганидан сўнг, барча бассейнлар ва сув аттрационларидан (6- бандда кўрсатилган шахслар бундан мустасно) фойдаланиш ҳуқуқига эга.

2.2. Дастлабки тиббий ёрдам кўрсатиш ҳуқуқига эга бўлиш.

2.3. Кўнгилочар зона ҳудудида жойлашган креслолар ва шезлонглардан бепул фойдаланиш ҳуқуқи.

2.4. Аквабоғи хизматларидан фойдаланишда юзага келган ҳар қандай ноаниқликлар бўйича керакли маълумотларни олиш учун Аквабоғининг масъул ходимларига мурожаат қилиш ҳуқуқига эга.

2.5. Ўз ихтиёрига кўра, сеансни эрта тугатиш ва Аквабоғидан чиқиш ҳуқуқига эга. Тўлиқ фойдаланилмаган вақт учун пулни қайтариш амалга оширилмайди.

2.6. Ресторан, савдо нуқталари ва бошқа қўшимча хизматлардан фойдаланиш учун тўловни амалга ошириш ҳуқуқига эга.

3. ТАШРИФ БУЮРУВЧИЛАРНИНГ МАЖБУРИЯТЛАРИ:

3.1. Ушбу Қоидаларни бажариш, дам олувчиларнинг саломатлигини сақлаш ва тартибни таъминлаш, санитария-гигиена талабларига риоя қилиш, бассейнлар ва сув аттракционларидан фойдаланиш қоидаларига амал қилиш, шунингдек, инструктор кўрсатмаларини бажариш шарт. Аквабоғининг мулкига эҳтиёткорлик билан муносабатда бўлиш, бошқа ташриф буюрувчиларга ва хизмат кўрсатувчи ходимларга ҳурмат билан ёндашиш лозим.

3.2. Аквабоғи ҳудудига кириш учун чиптани фақат Аквабоғи кассасидан сотиб олиш зарур.

3.3. Аквабоғи ходимларига дарҳол фавқулодда вазиятлар юзага келганлиги ҳақида хабар бериш керак, чунки булар ташриф буюрувчиларнинг саломатлигига зарар етказиши мумкин.

3.4. Вояга етмаган болаларни хавфсизлиги учун улар билан бирга келган шахслар жавобгардирлар.

Вояга етмаган болаларни хавфсизлиги учун кузатиб борувчи шахслар, уларнинг Аквабоғида бўлиши давомида хавфсизлигини таъминлаш учун шахсий масъулиятни тўлиқ ўз зиммасига олишади.

3.5. Хавфсизлик бўлими ходимларининг талабига биноан, шахсий буюмлар (сумкалар, рюкзаклар ва бошқа нарсалар)ни кўрикдан ўтказишга тақдим этиш мажбурий.

4. ТАШРИФ ТАРТИБИ, ВАҚТНИ ҲИСОБГА ОЛИШ ВА БЕЛГИЛАНГАН МУДДАТДАН ОШИБ КЕТГАН ВАҚТ УЧУН ҚЎШИМЧА ТЎЛОВ

4.1. Ташриф буюрувчи турникет орқали ўтиш учун чипта кодини киритади ва сўнгра автоматик тарзда тўлиқ ишлатилган чиптани тақдим этади (чиптанинг автоматик тарзда тўлиқ ишлатилганини турникет текширади), бундан сўнг у калитли қулупни ва шкаф рақами бўлган белги олиш имкониятига эга бўлади. Чипта уч соат давомида Аквабоғида бўлиш ва барча сув аттраксионларидан фойдаланиш ҳуқуқини беради. Сотиб олинган чипта қайтарилмайди.

4.2. Вақтни ҳисоблаш ташриф буюрувчи турникетдан ўтганидан сўнг автоматик равишда бошланади. Чипта ва гаров махсус қимматбаҳо буюмлар учун мўлжалланган идишда сақланади.

4.3. Ташриф буюрувчи гаровни топшириши шарт бўлиб, бу гаров қулуп, калит ёки белги йўқолган ҳолатда ёки Аквабоғидан чиқиш вақтида кечикиш юзага келганида тўловни кафолатлайди.

4.4. Гаровни тақдим этмаган ташриф буюрувчилар Аквабоғи ҳудудига киритилмайди.

4.5. Аквабоғи ходими чиптани гаров билан қимматбаҳо буюмлар учун мўлжалланган идишга жойлаб, ташриф буюрувчига қулуп, калит ва шкаф рақами белгисини беради.

4.6. Ташриф буюрувчи ўзига мос келадиган шкафни топиб, сузиш кийимини (чўмилиш кийимлари) кийиб, резина поябзал (шиферлар, шиппаклар, пляж поябзали ва бошқалар) кияди ва шкафни қулуп билан ёпади. Аквабоғи ҳудудига фақат сузиш кийимида кириш мумкин. Сувли кўнгилочар зонага киришдан олдин ва кейин ташриф буюрувчи душ қабул қилиши ва ювиниш воситаларидан фойдаланиш мажбуриятини олади. Шкафларда пул, заргарлик буюмлари, видео, аудио, фотоаппарат ва ҳужжатларни сақлаш тақиқланади. Аквабоғи маъмурияти ушбу буюмларнинг йўқолишига жавобгар эмас.

4.7. Ташриф буюрувчи белги ва калитни ҳар доим ўзида сақлаши керак ва уларни бошқа шахсга топшириши тақиқланади.

4.8. Агар ташриф буюрувчида белги ва калит бўлмаса, у Аквабоғидан чиқарилади ва ички ишлар бўлими ходимларига топширилади.

4.9. Уч соатлик вақт тугагандан сўнг, ташриф буюрувчи белги, қулуп ва калитни тақдим этиб, гаровни олади.

4.10. Агар ташриф буюрувчи Аквабоғида бўлиш вақти ўтиб кетган бўлса, ҳар бир тўлиқ ёки қисман кечиктирилган соат учун жарима тўланади, бу жарима катталар ёки болалар чипталарига нисбатан фарқ қилмайди.

4.11. Кечиккан вақт учун қўшимча тўловни Аквабоғи кассасидан олиш мумкин.

4.12. Агар белги, калит ёки қулуп йўқолган бўлса, гаров қайтарилмайди.

5. АКВАБОҒИДА ТАЪҚИҚЛАНАДИ:

5.1. Кириш чиптасини тўламасдан назорат нуқталаридан ўтиш, шунингдек, ёпиқ назорат нуқталари ва тўсиқлардан ўтиш.

5.2. Кир кийим ёки поябзалда, кесувчи, тешувчи, шишадан ясалган буюмлар билан, алкогол, наркотик ёки бошқа заҳарловчи моддалар таъсирида, очиқ яралар, юқумли ва тери касалликлари билан касалланган ҳолда, шунингдек, тиббий бандажлар ва лейкопластирлар билан, ёки диққат ва реаксия тезлигини пасайтирувчи дори-дармонлар таъсирида бўлган ҳолда кириш.

5.3. Спиртли ичимликларни олиб келиш ва ичиш, наркотик моддаларни истеъмол қилиш.

5.4. Портлаш хавфини туғдирувчи, заҳарли, портловчи, ёки осон синдириладиган буюмларни, шунингдек, қурол ва газ қуролларини, босим остидаги идишларни олиб келиш.

5.5. Уй ҳайвонлари ёки ёввойи ҳайвонлар билан кириш. Тарвуз, қовун ва бошқа турдаги полиз экинлари ҳамда озиқ-овқат маҳсулотларини олиб келиш.

5.6. Аквабоғи ҳудудида тамаки чекиш, шу жумладан электрон сигареталар ва бошқа алтернатив чекиш воситаларини ишлатиш, фақат чекиш учун ажратилган ҳудуддан ташқари.

5.7. Жиҳозларни ва бинолар ҳамда иншоотларнинг безакларини бузиш.

5.8. Савдо, реклама ва бошқа тижорат фаолиятини, агар Администрация томонидан тегишли рухсатнома олинмаган бўлса, амалга ошириш.   

6. ҚУЙИДАГИ ШАХСЛАРГА СУВ АТТРАКЦИОНЛАРИДАН ФОЙДАЛАНИШ ТАЪҚИҚЛАНАДИ

6.1. Ҳомиладор аёллар.

6.2. Ортиқча тана вазнига эга бўлган, жарроҳлик амалиётини бошдан кечирган, юрак, умуртқа ёки бошқа соғлиқ муаммолари мавжуд бўлган шахслар.

6.3. 7 ёшгача бўлган болалар ота-оналари кузатувида фақат болалар ҳовузидаги сув аттракционларидан фойдаланишлари мумкин.

6.4. 12 ёшгача бўлган болалар сув аттракционларидан фақат ота-оналари ҳамроҳлигида фойдаланишлари мумкин.

7. УШБУ ҚОИДАЛАР БУЗИЛГАНЛИГИ УЧУН ЖАВОБГАРЛИККА ТОРТИЛАДИ:

7.1. Аквабоғи мулкига зарар етказилган тақдирда, ташриф буюрувчи Ўзбекистон Республикасининг амалдаги қонунчилигига мувофиқ жавобгарликка тортилади.

7.2. Ушбу Қоидалар бандларининг бузилиши ҳолатларида, Аквабоғи маъмурияти ташриф буюрувчини ҳудуддан чиқиб кетишига мажбур қилиш, хизмат кўрсатишни рад этиш ва киришни тақиқлаш ҳуқуқига эга. Қоидаларни бузган ташриф буюрувчиларга тўланган маблағлар қайтарилмайди.

7.3. Аквабоғида бир вақтнинг ўзида бўлиши мумкин бўлган ташриф буюрувчилар сони чекланган. Қулай шароит ва хавфсизликни таъминлаш мақсадида, максимал ташрифчилар сонига етилган тақдирда, Аквабоғи маъмурияти вақтинча хизматлар кўрсатишни тўхтатиш ҳуқуқига эга.

7.4. Аквабоғи маъмурияти, ушбу Қоидалар ва Парк фаолиятини тартибга солувчи бошқа кўрсатмаларга, иш фаолиятини ва обрўсини яхшилаш мақсадида, бир томонлама тартибда асосли ўзгартиришлар киритиш ҳуқуқини ўзида сақлаб қолади.

7.5. Ташриф буюрувчилар томонидан ушбу Қоидалар ва инструктор кўрсатмаларига амал қилинмаган ҳолатларда юзага келган бахтсиз ҳодисалар учун Аквабоғи маъмурияти жавобгар эмас.

                СУВ АТТРАКЦИОНЛАРИ ВА ҲОВУЗЛАРДАН ФОЙДАЛАНИШ ҚОИДАЛАРИ

Сув аттракционлари:
«Болалар ҳовузи», «Тобогган», «Сокин йўл» ва «Камикадзе»

Ҳовузлар:
«Тўлқинли ҳовуз», «Жакузи», «Ўсмирлар ҳовузи», «Болалар ҳовузи»

Сув аттракционлари тезликда сирпаниш учун мўлжалланган.
Ташриф буюрувчи ўзининг жисмоний ҳолатини, соғлиғи ёки фарзандининг саломатлигини мустақил равишда баҳолаб, хавфсизлигини инобатга олган ҳолда сув аттраксионини танлаши лозим.

Ташриф буюрувчи қуйидагиларга мажбур:

• Сувга киришдан олдин ташқи ҳожатхонадан фойдаланиш ва душ қабул қилиш;
• Инструктор кўрсатмаларига амал қилиш;
• Ҳар бир сирпаниш оралиғида камида 30 сониялик танаффус сақлаш;
• Ҳовузлар ва қуёшли терассаларнинг тозалигини сақлаш.

Қуйидагилар тақиқланади:

• 12 ёшгача бўлган болаларга катталар назоратисиз ҳовузлар ва аттракционлардан фойдаланиш;
• 7 ёшгача бўлган болаларга «Тобогган», «Сокин йўл» ва «Камикадзе» аттракционлардан фойдаланиш;
• 5 ёшгача бўлган болаларга болалар ҳовузи ва ундаги аттракционлардан катталарсиз фойдаланиш;
  12 ёшдан катта болалар ва катталарга болалар ҳовузидан фойдаланиш;
• Ҳомиладор аёллар, ортиқча вазнга эга шахслар, жарроҳлик амалиётидан чиққанлар, юрак касаллиги, таянч-ҳаракат тизими ёки бошқа ҳаётий муҳим аъзоларда муаммоси бўлган шахсларга сув аттракционларидан фойдаланиш;
• Спиртли ичимлик ёки наркотик моддалар таъсирида бўлган шахсларга ҳовузлар ва аттракционлардан фойдаланиш;
• Эркин сирпаниш вақтида ҳаракатни секинлаштириш, ўриндан туриш, йўлак бўйлаб юриш, бош билан олдинга қараб ёки ўтирган ҳолатда сирпаниш;
• Ўзи билан бегона буюмларни олиб чиқиш;
• Аттракционлардан тушиш ҳудудида туриш, «Сокин йўл» ва «Тобогган» аттракционларидан тушиш ҳовузларида сузиш;
• Ҳовузларга шўнғиш;
• Ҳовузларнинг қуёшли терассаларда югуриш, жароҳатланиш ёки бошқаларга зарар етказиши мумкин бўлган ўйинларни ўйнаш;
• Тўсиқлардан ошиб ўтиш, панжаралар устида туриш ёки юриш;
• «Тўлқинли ҳовуз» ишга туширилган вақтда назорат чизиғидан ўтиб кетиш;
• Сув аттракционларида навбатга туриш қоидасига риоя қилмаслик ёки тартибсизлик қилиш;
• Аттракцион зинапоялари ва майдончаларида курашиш, итариш, ўзгаларни ёки ўзини тўсиқ панжарасидан ташқарига чиқариш ёки осилиб олиш.